أشاعة كنيسة واحدة

Buy and sell 3d printer files

"كنيسة واحدة" كلمة قلبت الدنيا وبقت رد على اى مزنق تتزنق فيه يا صديقى الأنجيلى . 

أنا أسف يا صديقى الأنجيلى بس انت " بتسطعبطنى"

اه بتسطعبطنى يا صديقى ممكن تقولى انت ليه بتقول عليا انا وانت كنيسة واحده . والأدهى عايزنى اصدقك طيب اصدقك ازاى ومنين اذا كنت انت مش مصدق نفسك ؟؟

مااااااشى يا سيدى انا هامشى معاك وهاصدقك انت محب للموضوع ده ومؤمن بيه وانا بحاول اخرب عليك فرحتك بالموضوع ده وافتت وحدة الكنيسة علشان انت احسن منى .. بس فى حاجة بقى يا صديقى الأنجيلى 

انا زمان وانا صغير ولا بس شورط كانو بيودونى حاجة كده اسمها "مدارس الأحد" كنت بتعلم "أساسيات الأرثوذكسية السلفية " زى مانت بتقول يعنى. بس يا سيدى هما هناك كانو بيقولونا الكلمة دة كنيسة واحده وجسد واحد فى المسيح .. بس على أيامنا كان المفهوم ان أنا ممكن اروح أى كنيسة أصلى فيها وأتناول فيها وربنا يسمعنى علشان الكنيسة كنيسة واحده ... والغريب يا صديقى الأنجيلى أنك كنت تلاقى أبونا فلان ممكن يروح يصلى مع أبونا فلان فى كنيستة عادى تخيل يا صديقى والأغرب بقى أن ممكن تلاقى العكس بيحصل وتلاقى أبونا فولان التانى راح لأبونا فولان الأولانى وصلى معاه فى كنيسة تانية .. ماهى هى دى الوحده اللى انا اعرفها اللى مافيهاش فرق فى أى حاجة... زى ماتقول كده يا صديقى الأنجيلى اللى هنا هاتلاقيه هناك..

تعالى انت بقى يا صديقى الأنجيلى عرفنى على وحدتك اللى انت عايز تعملها ... شئ غريب ... (بخلفية موسيقية كده لموسيقى برنامج العلم والإيمان).. شوف انت عايز تعمل ايه انت عايز تخلى الكنيسة الأرثذوكسية اللى هى اصلا كنيسة واحده من قبل ما اسمع عنك يا صديقى الأنجيلى .. والكنيسة الأنجلية وباقى الطوائف.. اللى هى اصلا مافيش بنها وبين عقيدتى اى شبة أو أى وجه شبه  وتقوم قايل عليهم كلهم كنيسة واحده.. صدقنى حلو انا موافق على الموضوع ده بس الكلام ده مايجيش جهجهونى كده يا صديقى الأنجيلى ... ماهو لو كده قادة الكنايس دى تتجمع فى مجمع وتقول فين الإيمان الصحيح اللى احنا كلنا هانتوحد فيه علشان لما اجى عندك ماحسش ان انا فى حتة غريبة عليا.. مع العلم ان ده مش هايحصل ابدا علشان انت معندكش استعداد تصدقنى وانا اصلا مش مصدقك.. 

تعالى بقى نتكلم فى الوحدة التفصيل اللى انت عملتها أنت قولتلى لا سيبك من العقد دى الحياة بسيطة خالص انت هاتيجى تصلى معايا بطريقتى هانرنم وهانتنطط وهانسقف وممكن نرقص لو عايز وهانتبسط يا سيدى تعالى وجرب .. وللأسف فى اللى راحلك وجرب وانت اتبسط وبسط اللى راح والناس دى ابتدت تكتر وابتدى انبساطك ده يكتر...قولت بس شوفت الموضوع حلو ازاى تعالى اتناول عندى بقى عادى احنا مش هانطول عليك هى كلها ربع ساعة هانقعد نعمل مائدة وهانمشى.. وبرضه فى ناس عملت كده برضه وكترو كمان وانت اتبسطت.. طيب ايه يا صديقى الأنجيلى أنت نسيت ولا ايه ..احنا كنيسة واحده .. هاتقولاى بالفم المليان طبعاااااااً مانت بتيجى عندى اهو هو ده مش دليل.. حيلك حيلك عليا يا عم الأنجيلى انت هاتستعبطنى بقى .. طيب هو انت عندك كنيسة وانا عندى 128 حمرا.. مانا كمان عندى كنيسة وكهنة وقداس تعالى صلى معايا بقى..تجى انت تقولى لالا مش هاينفع يا ابنى انا صح .. انا بقلد المسيح فى التناول وانت لا.. خلاص ياعم انا ولا هاتناول عندك ولا تتناول عندى خالصين ياعم الأنجيلى .. بس انا هاجيلك وانت تجيلى وانا أول ما هاشوف القس فلان عندك هاسلم علية واحترمة علشان ده رمز من رموز كنيستك...وانت برضه لما تيجى عندى هاتلاقى ابونا فلان ابقى سلم غلية . اه اه ابقى بوس على الصليب وعلى ايده أحنا بنعمل كدهه علشان هو بيمثل السيد المسيح على الأرض واحنا بنحبة اوى .. تيجى قايلى بس يا اهبل انت بتصدق الكلام ده دانتو مضحوك عليكو مين اللى بيمثل المسيح انت يابنى مابتشفش ده بيعمل ايه انت فاكر انه بيصعد بس يالا وطبعاً تلاقيه باخد منك العشور مانت اهبل سألته بيعمل بيها ايه ياعم اجرى كده انت مش عارف حاجة وبعدين ابوس على ايده ليه مانا زى زيه وممكن أكون انا احسن منه بأعمالى انت ايه عرفك . بس عندك يا صديقى الأنجيلى مالكش دعوة بالكهنوت ده رمز عقيدتى الكهنوت ده محدش يستاهل ترابة ... الكهنوت ده الصورة الصح لحياة السيد المسيح على الأرض .. زى ماتقال عن السيد المسيح انه كان يجول يصنع خير ...ونص الأيه "الَّذِي جَالَ يَصْنَعُ خَيْرًا" (سفر أعمال الرسل 10: 38). تمام زى الكاهن الأرثوذكسى بيجول علشان يصنع الخير دى مشكلتك انت ان انت ماتعرفش حاجة عن الكهنوت ده حتى لما بيبدأ خدمتة بيقعد فى الدير 40 يوم متواصلة صيام وصلاه وبيكونو فى الصيام الكبير .. زى ما السيد المسيح صام قبل مايبدأ خدمته .. ولا انت ماتعرفش الصيام الكبير طيب لما انت بتقلد المسيح فى  المناولة ماقلدتوش ليه فى الصيام ولا انت بتنقى السهل بس؟؟
معلش بقى ماتغلطش فى الكهنوت وانا مش هاحتك اصلا بالقسيس بتاعك ولا عايز اشوفة ولو شفته مش هاسلم علية .. ليه عايزنى احترمة وانت مش عايز تحترم كهنوتى ورمز عقيدتى.
بيتهيقلى مافيش داعى تيجى عندى اصلا وانا مش حابب اجى عندك لانت بتحترمنى ولا عايز تحترم كنيستى ولا عايز تتناول عندى .. طيب انا اجى عندك ليه
اه انت كنت بتقول  كنيسة واحدة .. كفاية استعباط بقى ماتستعبطنيش زيادة عن كده مش علشان عايز تنجح مؤتمر تقول كنيسة واحده علاشن يجيلك من كل الطوائف

مافيش كنيسة واحدة مابين الطوائف وكل اللى انت بتقولة واللى هاتقولة ماعو إلا أكاذيب .. انت تصدقها ماشى انما انا لا..

أنا بقول تخليك فى نفسك ومالكش دعوة بيا ولا بكنيستى .. طالما انت مش قادر تثبتلى صحة إيمانك ماتعكش وتغلط فى إيمانى . :)

بس على فكرة أحنا مش كنيسة واحد اه ومش هاجى عندك اه بس أنت برضه هاتفضل صديقى الأنجيلى هانتقايل فى الشرع وهاسلم عيك وهانعمل كل حاجة سوا إلا ان انا وانت نتجمع فى حاجة تخص الإيمان ... :)

طبعا كلامى انا وانت مش هايخلص بس هانتقابل تانى أكيد .,,

ماتبقاش صيده

Blog Counters

أول ما بدأت أفكر هاكتب أيه علشان أبدأ حوار مع  صديقى الأنجيلى ... لقيت أن انا المفروض أبدأ أولاً الحوار مع صديقى الأرثوذوكسى..!!

ماينفعش اتكلم مع صديقى الأنجيلى .. والاقى صديقى الأرثوذوكسى أصلاً مش عاجبة الكلام .. طيب ليه مش عاجبك الكلام طيب ولية مخلى نفسك ( صيده ) .. حاول تعرف جدودك عملوا ايه يا صديقى الأرثوذوكسى علشان يدافعوا عن اإيمان الأرثوذوكسى . ماسألتش نفسك ليه انا بجرى ورا أى كنيسة تانية ... أصدمك .. علشان انت بتختار السهل مش عارف ان انت عندك اعظم طقس وفى ناس كتير زمان حبوة ودافعوا عنه وضيعوا حياتهم  علشان مايتغيرش منه حرف واحد .. مش مكسوف من نفسك وانت بتضيع تعبهم ده هدر بس علشان اتبسط مع شلة من اصحابك فى مصيف ولا مهرجان كبير ولا  عشان اتصورت شوية صور حلوة بس مع كنيسة تانى .. بعت إيمانك ورموز كنيستك اللى بقيت ممكن تشتمهم عادى جدا علشان حد تانى وفرلك حاجات انت شايفها وااااو ومحصلتش ... مع انك لو دورت هاتلاقيها فكرتك انت وانت اللى ممكن تكون أقترحتها بس نفذتها برة كنيستك... دورت على البساطة والحرية والرحلات ..وسيبت الرجعية والتخلف .. وتقول ما اهو الكنيسة الأرثوذوكسية ما بتعملش كده .. ماهى الكنيسة الأرثوذوكسية مابتعملش كده ومش هاتعمل كده ابداً .. أنت بتبقى مبسوط وانت رايح "أحسبها صح "  علشان هاتشوف اللى عمرك ما شوفته ناس جاية من كل حتة فى مصر علشان تلعب وتتفرج على عروض ترانيم وبنات رايحة وبنات جاية وتحرر ماشوفتوش قبل كده .. وكل الناس ممكن تعمل اى حاجة فى اى وقت ...وانت بتبقى مبسوط علشان بقيت متحرر .. بس احنا كنيستنا كنيسة نظام علشان كده مش بتعمل كده :)

ماتخليش المظاهر تضحك عليك وتجرك لحتة مش بتاعتك.... وبعدين ليه انت بس اللى تروح الكنايس التانية وماطلعش نفس علشان انت فى مكان مقدس انت فى كنيسة ولو طلعت نفس هاتتحرم من اى نشاط هما بيعملوه وعلشان تكون موجود فى اى نشاط لازم تحضر وتكون مواظب على الأجتماعات ... انما لو جيت كنيستك لازم تتكلم ولازم تتريق ومتنساش تقعد تمسك ودان اللى جنبك طول مانت قاعد تتريق على الخادم اللى بيقولك المنبر . أو تقلش على أبونا الكاهن وهو بيقولك وعظة وميضر لو قولت علية فلاح مايعرفش حاجة لو جابلك سيرة اللى بيحصل فى كنيسة تانية . وممكن تقول علية هايتفلسف لو حكالك أبطال الإيمان وعملوا أيه  علشان  الإيمان الأرثوذوكسى . وماتنساش تقول عليه هايدروش لو قالك انك علشان تدخل السما لازم تتناول وتعترف ..

طول مانت حابب السهل عمرك ما هادوق حلاوة الصعب وطول مانت مش قارى مش هاتعرف ترد وطول مانت مابتعرفش ترد هايكون سهل أقناعك بأى طايفة تانى .

وأخيراً هابتدى حوارى مع صديقى الأنجيلى:

انا وانت مش اعداء بس انت ليه جاى تعرفنى الكنيسة والأسرار من وجهه نظرك  مانا عندى كنيسة ممكن تعرفنى وتفهمنى ليه انت اللى دايماً تيجى تقولى تعالى معايا ماتجرب وتيجى انت معايا ونا احاول اشرحلك انا بحب كنيستى ليه.. بس أستنى انت لو جاى تتخانق وتقول كلام من بتاعك اللى بيسئ ليا ماتجيش احسن خليك مكانك وسط الرحلات والمهرجانات .. بس انا بشفق عليك انت كل همك ان انت يبقى عندك عدد ناس وخلاص علشان بيبقى صعبان عليك تصرف كل ده ومحدش يجى 

بس انا لما جيت عندك وسألتك احنا عندنا بنتناول علشان ندخل السما قلتلى لا اللى عندكم دى مش مناولة أحنا اللى صح علشان احنا بنقلد السيد المسي بالظبط بنعمل عشاء ربانى  عندكم بقى صياااام انقطاعى وصحيان الصبح بدرى ووجع قلب .. لا احنا بنعمل مائدة العشاء الربانى زى ما عملها السيد المسيح ...

أسمحلى بقى أقاطعك يا صديقى الأنجيلى..

انا المناولة عندى مش تمثيلية لا انا بعمل اللى قال عليه المسيح بعمل خبز وعصير كرمة وأبونا بيصلى القداس وبيتحول الخبز لجسد وعصير الكرمة إلى دم المسيح ... يقدم في القداس خبز "قربان" "خمر" (عصير كرمة) يتحولان بالصلاة إلى جسد ودم الرب الأقدسين، وذبيحة العهد الجديد، عند حلول الروح القدس عليها وبقوته وفعله

أ‌-   الخبر يشترط فيه ما يأتي:  1. يصنع من دقيق القمح:*   لان المسيح شبه نفسه بحبة الحنطة " يو 12: 24 "*   لأنه كما أن القمح لكي يصلح للغذاء يطحن ويعجن ويقطع فالسيد المسيح خبز الحياة سحق بالحزن، واحتمل نار الآلام، ومزق جسده بالجراحات.*   2- لا يضاف إليه ملح:لان الملح يوضع في الطعام ليصلحه ويحفظه من الفساد وجسد الرب لا يحتاج إلى ملح يصلحه ويحفظه لأنه بطبيعته صالح وغير قابل للفساد.2- ويكون مختمرا:فالخمر يشير إلى الخطية، والمسيح البار حمل خطايا العالم كله على الصليب.3- ويكون طازجا:حيث لا يتغير ولا يصير يابسا، فالمسيح هو الله الذي ليس عنده تغيير ولا ظل دوران " يع 1: 17 "4-  وعلى شكل قرص مستدير:· كقرص الشمس – إشارة للمسيح شمس البر" مل2:4"· ومستدير ليس له بداية ولانهاية، فالمسيح أزلي أبدى (ليس له بداية أيام) " مى 5: 2 " (ولانهاية أيام) " مت 28: 20 "5-   ويختم:صليب في الوسط الاسباديكون " كلمة عن اليونانية معناها السيدي وهو يشير إلى السيد المسيح يشير إلى جسد الرب المصلوب). و12 صليبا حول الصليب الأوسط: تمثلالتلاميذ حول المسيح.6-   ويثقب بخمسة ثقوبتشير إلى الثلاثة مسامير اثنين في يديه وواحد في رجليه والحربة وإكليل الشوك.7-   يقدم عددا فرديا:* ثلاثة: إشارة إلى الثالوث القدوس.. واختيار واحد منها دلاله على تجسد الابن.* أو خمسة: إشارة إلى ذبائح العهد القديم الخمس رمز ذبيحة المسيح ذبيحة المحرقة، وذبيحة الخطية وذبيحة الإثم، وذبيحة السلامة وتقدمة القربان وكانت تقدم من خمسة أنواع:الغنم – البقر – الماعز – الحمام – اليمام (لا3:1؛10؛14)* أو سبعة: إشارة إلى الخمسة ذبائح السابقة، مضافا إليها العصفوران في شريعة تطهير الأبرص " لا 14: 4 "ب‌-   والخمر– يشترط أن يكون من عصير الكرمة  زبيب عنب عصر دون استخدام النيران، ولا يستخدم أي نبيذ مسكر. (انظر المزيد عن هذا الموضوع هنا في موقع الأنبا تكلا في أقسام المقالات والكتب الأخرى).* لان السيد المسيح دعا نفسه (الكرمة الحقيقية) "يو1:15"* ولان عصير الكرمة بلون الدم – تشير إلى دم المسيح.* لأنه كما أن -العنب حتى يصير خمرًا- يعصر، فالسيد المسيح قال على لسان إشعياء (دست المعصرة) "معصرة الألم" وحدي" اش 63: 3 "ج- وذبيحة العهد الجديد تكلم عنها:1. إشعياء النبي  تنبأ قائلا (ويعرف المصريون في ذلك اليوم ويقدمون ذبيحة وتقدمة) " اش 15: 1، 2 ".2- والسيد المسيح: عندما قدم السر العظيم لتلاميذه قال (هذا هو جسدي … هذا هو دمى) مت26:26؛27"2-   وبولس الرسولذكر أن السيد المسيح سلم له هذا السر قائلا (هذا هو جسدي المكسور لأجلكم) " 1كو 11: 25 "وتكلم عن كأس البركة.. شركة المسيح والخبز الذي نكسره.. شركة جسد المسيح " 1كو 10: 16 ". 

علشان كده مابقتش تمثلية انا فعلاً باخد المسيح جوايا أنما مائدة العشاء الربانى اللى انت بتعملها يا صديقى الأنجيلى وبتقول ان المسيح عمل كده وانا بعمل زى ما المسيح عمل المسيح عمل كده علشان دى كانت طقوس عيد الفصح مش الطقوس اللى نتذكر بها المسيح وهل من المنطق ان نتذكر المسيح  بمائدة فقط .. المسيح اصنعوا هذا لذكرى عندما كسر الخبز وأيضا عندما مسك عصير الكرمة قال اصنعوا هذا لذكرى ... ولم يقل اقيموا هذه المائده لذكرى ..

انا مش بعدل عليك انا بشرحلك اللى انا مؤمن بيه ليه انت بتحاول تغيرهولى ليه عايزنى ابقى زيك وخلاص 

وليه لما بقولك كده بتقول عليا سلفى ومدقق .. طيب مانا عشان غيور على ايمانى لازم ادقق فيه  انا شايف كده 

انا شايف ان انا لما احب اترفه وأطلع رحلة لازم ابتديها بقداس واروح اماكن مقدسة استفاد منها زيادة زى الأديرة  وفى الأخر ممكن اروح مكان ترفيهى ... ولما احب اطلع مصيف ممكن بس الأساس مش الفسحة بس أه بتفسح بس الأساس دراسة كتاب روحى والتعمق فيه مثلا ... انت ليك طريقك وانا ليا طريقى ,, ماتحولش تخلينى اسيبه.

كلامنا مخلصش .لسة هانتكلم تانى كتير يا صديقى الأنجيلى .